Le Poukwa Le Koman

Lan swadizan kozman listwa
Bon nèg traka yo gen vwa
Koze pa nou lakay vwazen
Ki ban n tenten nou di l sèten
Fò n ta remonte le pase
Bèl liv ke gwo kolon ekri
Na we vrèman sa k fè n pèdi
Endepandans nou jouk jodi

Lan demen nou sa k gen pou lòt yo
Ki sa n ap sere pou ti moun yo woy
M pi kwè se literati yo
M trè sèten se koze kredi yo
Sa n ap kenbe lan w men pou lòt yo
Imilyasyon n pran lan men zòt yo
Wo lo lo loy
Se sak pou anjandre ti moun yo
Mizè sa yo fò n pa kache yo

Kachkach liben bò sen maten
Jilyen pat panse gen demen
Kounyea l ta vle tou den kou
Pou mò k kase kou fè l zye dou
Fò n sonje vreman sa n te pran
De mouche blan mouche kouman
Nou pat fòme jenerasyon
Ki jodi k ta tounen boukan

Lan demen nou sa k gen pou lòt yo
Ki sa n ap sere pou ti moun yo woy
M pi kwè se literati yo
M trè sèten se koze kredi yo
Sa n ap kenbe lan w men pou lòt yo
Imilyasyon n pran lan men zòt yo woy
Se sa k pou anjandre ti moun yo
Mizè sa yo fò n pa kache yo

Tout pase peyi m se manti
Li pat ekri pa youn mati
Lè m di l gen nèg ki pa kontan
Se sa ki fè nou depandan
M kwè l ta pi bon an pasan
Pou n ta fè youn rasanbleman
Di le poukwa ak le kòman
Yo anseye nou fo kòmandman

Bon komandman pa nou k konnen yo
Lò m konnen n a itilize yo woy
Yo antere l pou sove kòz yo
Pou n pa foure dwèt lan manje yo
Sa n ap kenbe lan w men pou lòt yo
Imilyasyon n pran lan men zòt yo woy
Se sa k pou anjandre ti moun yo
Mizè sa yo fò n pa kache yo

Gen bagay ki pi enpòtan
Ke okazyon ak tann bon tan
Reyalize jiska prezan
Manje gede fò l gen piman
Eske nèg ap lite pou l wa
Pou l gen almanak e lè mwa
Pou l abite kote k fè fwa
Ou pou l tounen andui ak la

Kòm nou konnen bon kòmandman yo
Chèche w jan pou n itilize yo woy
Met onètet lan kesyon yo
Pa melanje l ak sa n ap fè yo
Elwaye koze satinal yo
Rejete tankou potestan yo mmmm
Ka tout bagay sa yo gen lè yo
Kabann se pou dènye rapò yo woy
Kabann se pou dènye rapò yo
Rejete tankou potestan yo
Woy lo lo loy
Ka tout bagay sa yo gen lè yo
Met onètete lan kesyon yo