Granmet

Midi sonnen pa di lespwa
Chak jou k leve son w sèl koze
Klòch la fè bleng pou youn pòsyon
Kite maymay pou l saplata a
Ti moun yo pat menm ka mache
Yo fini tounen lokobe
Van sifle fèy kouvri chimen
Lapli tonbe pa solisyon
Koupe dra nwa kite dra blan
Poze kesyon pouki lakay
Jwèt la woule lan gran chimen
Bandye sa pa pou ti maymay woy

Koze lakay two fò pou nou
Pawòl anpil machwè gonfle
Malere minen toupatou
Pou ti maymay se dangoye e
Priyè dizenn lan fon granmèl
Pawòl preche reziyasyon
Lasent brochi anba zèsèl
Ede lezòm tounen kouyon
Lèzom ki konprann ke amèn
Se viktwa devan mitrayèz
Si m manti mande mon kamèl
Ka souflete m si l pa rizèz woy
Pawòl pale pawòl pale
Pawòl pale pawòl pale
Granmèt pa nou an pwoche
Granmèt pa nou an tande
Pawòl pale pawòl pale
Pawòl pale pawòl pale
Granmèt pa nou an pwoche
Granmèt pa nou an tande
Priyè dizenn nan fon granmèl
Pawòl preche reziyasyon
Lasent brochi anba zèsèl
Ede lezòm tounen kouyon on
Lèzom ki konprann ke y amèn
Se viktwa devan mitrayèz
Si m manti mande mon kamèl
Ka souflete m si l pa rizèz
Depi digdantan ka nou grav
Nou fè ti batay gwo batay
San nou koule kou la viday
Jodi n ap soti anba pay woy
Pawòl pale pawòl pale
Pawòl pale pawòl pale
Granmèt pa nou an tande
Granmèt pa nou an souple
Pawòl pale pawòl pale
Pawòl pale pawòl pale
Granmèt pa nou an tande
Granmèt pa nou an souple