gimme mi dis
gimme mi dat
gimme back mi every thing yuh got
gimme mi philasophy yuh carry to greece
tief homo and socrates
gimme back mi historical masta piece
gimme back mi name
gimme mi back mi kalinda
gimme mi books yuh tief from alexzandra
gimme mi queen like kleopatra
mi nuh wah ear bout queen victoria
gimme mi language a knoo suh well
yuh mixup inglish canfusin nuh het
gimme back mi maths u pytagarus
gimme mi simbals yuh tief from us

gimme mi dis
gimme mi dat
gimme mi back mi everyting yuh got
gimme mi dymon
gimme mi gold
gimme back mi rack and roll
gimme mi uraynium
gimme mi coal
gimme mi reggae
gimme mi blues
gimme mi musik dat yuh confuse

no spiritual cansep originated here
suh who i praiz yuh shouldnt kare
yuh seh steal not
yuh tief mi lan
sex not
yuh rape mi mada
keep de sabbat
wi work seven days a week
yuh buil a nation from de sweat of mi back
now yuh wah com gimme CRACK

gimme mi herbs meck wi meck som tea
gimme back all mi fruit tree
gimme mi medicin yuh teck fom mi
gimme de remidy dat meck bline see

gimme mi dis
gimme mi dat
gimme back everyting yuh got

gimme a space a can run mi own life
respect is due de time is now
no more turn cheek
dis time wi naah bow

gimme a break...

Lyrics submitted by SongMeanings

Thievin Legacy Lyrics as written by Allan Hope Mutabaruka


Lyrics powered by LyricFind

Thievin Legacy song meanings
Add Your Thoughts


sort form View by:
  • No Comments

Add your thoughts

Log in now to tell us what you think this song means.

Don’t have an account? Create an account with SongMeanings to post comments, submit lyrics, and more. It’s super easy, we promise!

Back to top