ערגעץ שטיל װײנט דער װינד
אַזױ קיל אַזױ לינד
כ'דאַרף אַצינד קײן שום ציל
אַך איך װיל זײַן אַ קינד
עמעץ בעט, עמעץ גלעט װי מיט זײַד
און מײַן בלוט פֿליסט באַרוט װי די צײַט

אױף יענער זײַט טײַך איז די זון שױן פֿאַרגאַנגען
אױף יענער זײַט טײַך איז אַ מײדל געגאַנגען
מיט בענקשאַפֿט אין האַרצן און טרערן אין בליק
צו זוכן איר מײדלשן גליק

און בלימעלעך בלױיִקע זיבן מאָל זיבן
האָט זי בײַם דעם טײַך פֿון לבֿנה געקליבן
און האָט מיטן שטראָם זײ געלאָזן אין טײַך
שװימט גלײַך, מײַנע בלימעלעך גלײַך

שװימט גלײַך װײַט אַהין װוּ די װאַסערלעך רינען
מסתּמא מײַן גליק װעט איר דאָרטן געפֿינען
און אַז איר װעט דאָרטן געפֿינען מײַן גליק
שװימט בלימעלעך, גיכער צוריק

די נאַכט האָט דעם טײַך מיט אַ נעפּל פֿאַרצױגן
בײַם טײַך איז דאָס מײדל געשטאַנען געבױגן
און האָט אין די װאַסערלעך לאַנג, לאַנג געקוקט
און שװער מיט די אַקסלען געצוקט

די װאַסערלעך זײַנען גערינען, גערינען
די בלימעלעך האָבן דאָרט גאָרנישט געפֿינען
קײן בלימעלע איז ניט געקומען צוריק
װײן, מײדל, דו האָסט ניט קײן גליק


Lyrics submitted by Mellow_Harsher

Ergets Shtil/Baym Taykh song meanings
Add your thoughts

No Comments

sort form View by:
  • No Comments

Add your thoughts

Log in now to tell us what you think this song means.

Don’t have an account? Create an account with SongMeanings to post comments, submit lyrics, and more. It’s super easy, we promise!

Back to top
explain