Mwen gen trannsèt rekòt kafe
Sa vle di m fèt sou estimé
Pi bèl plezi lè m te piti
Se lè pratik pwason pase
Epi lajan l poko pare
Ti zanmi kou machann n ale
Pye atè ri sentonore
Lan w vye koridò nou kache
Wè ki taktik pou n anplwaye
Kou lendi lekòl la rive
Pou n esplike lezòt ki grandi dèyè mi
Sa machann nan te di
Sa manman te reponn
Nou pat gen la konsyans
Ke nou te sou edikasyon
Ti moun ki gen plis avantaj
Ti moun fanmi yo gen lajan
Sèlman kontak lekòl
Apre yo fè wout bisantnè
Nou menm nou pran ray fò senklè
Kè kontan son w bèl eksperyans

Sa fose n aprann eksplike
An jounalis tou sa k pase
Lan tout detay avèk chante
Sitou n te gen posibilite
Se youn bagay ke n pa kab cache
Lè moun lasalin pran lari
Kraze tout kay ki byen make
Moun sa yo pat pale franse
Pa konprann yo pa gen lespri
Yo konn byen kilès ki lenmi
Nou esplike lezòt
Sa moun yo ta pe di
Ki sa yo t ap chante
Pouki yo pran lari
Ke moun ki t ap tire yo
Se jandam avèk fizi
Te genw meli melo
Moun mouri moun kouri
Nou pat gen la konsyans
Ke nou te sous edikasyon
Ti moun fanmi yo gen lajan
Ti moun ki elve dèyè mi

Ane pase ti moun grandi
Lavi kòmanse konplike
Manman pati l al travay di
Ti moun grandi sou volonte
Legliz lepouvwa lafanmi
Ki kache nou reyalite
Vi fanmi nou lan lòt peyi
Ki se domestik a letranje
Kap ranmase senk kòb penich
De janvye a jou l gen konje
Kab di madanm lan vye angle
Premye my son pral kominye
Tanpri misiz kite m antre
Ki fè jounen jodi nou gen oun kominote
Yo pa konsidere nou gen etikèt tout kote
Nou menm jen ayisyen
N ap gen youn responsabilite
Se pou n kanpe ankouraje
Pèp k ap goumen pou libète
Ke nou te Bahamas
Lafrans ou lèzetazini
Pa bliye dominikani
Y ap vann nou tankou ti sale
Y ap vann nou tankou ti sale
Y ap vann nou tankou ti sale


Lyrics submitted by Lunes

Transet Rekot Kafe song meanings
Add your thoughts

No Comments

sort form View by:
  • No Comments

Add your thoughts

Log in now to tell us what you think this song means.

Don’t have an account? Create an account with SongMeanings to post comments, submit lyrics, and more. It’s super easy, we promise!

Back to top
explain