Alison Cross lives in yon tower
The ugliest witch in the north countrie
She's trysted me ae day 'til her bower
And mony's the braw spreech she made tae me

She showed me a mantle o reid scarlet
Weel wrocht wi gowd and fringes fine
Says, "Gin ye'll be my leman sae true
This gudely gift, it shall be thine"

"Awa, awa ye ugly witch
Haud far awa and let me be
Afore I'll kiss yer ugly mou
I'd raither toddle aroond the tree"

She showed me a sark o the saftest silk
Weel wrocht wi pearls abune the band
Says, "Gin ye'll be my leman sae true
This gudely gift's at your command"

"Awa, awa ye ugly witch
Haud far awa and let me be
Afore I'll kiss yer ugly mou
I'd raither toddle aroond the tree"

She showed me a cup o the gude reid gowd
Weel wrocht wi jewels sae fair and fine
Says, "Gin ye'll be my leman sae true
This gudely gift, it shall be thine"

"Awa, awa ye ugly witch
Haud far awa and let me be
Afore I'll kiss yer ugly mou
I'd raither toddle aroond the tree"

An' she's ta'en oot her grass-green horn
She blew it three times loud and shrill
She swore by the moon and the stars abune
She'd gar me rue the day I ever was born

An' she's ta'en oot her silvery wand
She straiked it three time o'er her knee
She's muttered sic words as my senses failed
I feel doon senseless tae the ground

"Awa, awa ye ugly witch
Haud far awa and let me be
Afore I'll kiss yer ugly mou
I'd raither toddle aroond the tree"

It fell upon last Halloween
When the seely coort came riding by
The queen's lichtit doon on a gowany bank
Nae far frae the tree whaur I did lie

An' she's ta'en oot her silvery wand
She straiked it three times o'er her knee
She's turned me back tae ma proper shape
Nae mare tae toddle aroond the tree

"Awa, awa ye ugly witch
Haud far awa and let me be
Afore I'll kiss yer ugly mou
I'd raither toddle aroond the tree"

"Awa, awa ye ugly witch
Haud far awa and let me be
Afore I'll kiss yer ugly mou
I'd raither toddle aroond the tree"


Lyrics submitted by Ceredin

Alison Cross song meanings
Add your thoughts

No Comments

sort form View by:
  • No Comments

Add your thoughts

Log in now to tell us what you think this song means.

Don’t have an account? Create an account with SongMeanings to post comments, submit lyrics, and more. It’s super easy, we promise!

Back to top
explain