Sidon bradon morskog vuka,
Staron kapon kapitana,
Zabotunan ispod vrata
Botunima falš od zlata,
Dugon lulon Olandeža,
Krivin šćapon o' Škoćeža,
O' jutra bi noge vuka
Di se vapor bi nasuka.

Priko kale do uvale
Sve su žene dobro znale,
Ka' otvara svoje škure
Da su brzo osme ure.
Čin zazvoni sa zvonika
Eto njega ka vojnika,
Nikad nije okasnija,
Svom je brodu viran bija.

To je bilo srce ča je znalo patit
Ka ča ne zna drugi ni za svoj rod,
To je bilo srce ča ni moglo puštit
Da prez kapitana mu umre brod.

Godinan je tako iša,
Tukla ga je bura, kiša,
Ma ni pusti ni po dana
Brod prez svoga kapitana,
Sve do jedne levantere
Ka' su brodu bande stare
Zavrćale, zacvilile,
Rasule se, potonile.

Poslin tega niko višje
Ni susrija kapitana,
Niti čuja škripjat škure,
Zaludu su tukle ure.
Ni' izlazi iz komore,
Proklinja je noć i more,
Tugova je, gladova je,
Osuši se i nesta je.

To je bilo srce ča je znalo patit
Ka ča ne zna drugi ni za svoj rod,
To je bilo srce ča ni moglo puštit
Da prez kapitana mu umre brod.

O' komore kapitana
Špalankane sve su škure,
Svako more u njon vidit
Sve ordenje i monture,
Na škritor'ju lula leži,
Šćap se na zid naslonija,
Starog vuka višje nima
Osim priče da je bija.

To je bilo srce ča je znalo patit
Ka ča ne zna drugi ni za svoj rod,
To je bilo srce ča ni moglo puštit
Da prez kapitana mu umre brod…
Na na na na na na, na na na na na na,
Aa na na na na na, na na na na.


Lyrics submitted by Mad Woman Moon

Priča O Jednom Kapitanu song meanings
Add your thoughts

No Comments

sort form View by:
  • No Comments

Add your thoughts

Log in now to tell us what you think this song means.

Don’t have an account? Create an account with SongMeanings to post comments, submit lyrics, and more. It’s super easy, we promise!

Back to top
explain