As I cam' in by Monymustk
And doon by Alford's dale,
A sad misfortune happened to me
And I think nae shame to tell.

As l gaed in by Monymustk.
The moon was shining clear;
And I held on to Lethendy
To see my Maggie dear.

Fal to too a riddle doo.
Fal to toodle I doe.

I did gang when I did think
That a' were sleepin' soun',
But plague upon yon auld wife
For she cam' slinkin' doon.

Sae cannily she slipped the lock
And set the door agee;
Then crawled upon her hands and knees
To see what it could be.

Fal to too a riddle doo.
Fal to toodle I doe.

Then to the bells, wi' a' her micht
Sae loud she made thern ring.
Till faith! l thoeht aboot my lugs
The biggin she would bring.

And when she saw l wouldna slip.
She ran to the guidman.
Says: "There's a lad into the hoose.
And that l winna stand.

Fal to too a riddle doo.
Fal to toodle I doe.

"For it is a most disgraceful thing.
It would provoke a saunt.
To see a' the servant girls wi' lads.
When the gentle anes maun want."

"Providence has acted wrang.
Sic pleasures for to gie
Tae ony servant lad or lass
Just working for a fee."

Fal to too a riddle doo.
Fal to toodle I doe.

The auld man he cam' ben himsel'
And he pushed ben his heid;
Guidfaith! I thocht it was a ghost
Just risen frae the deid.

He'd duddy draws upon his legs,
He'd on a cap o' white.
And he'd a face as lang's my arm
And in his hand a light.

Fal to too a riddle doo.
Fal to toodle I doe.

He's ta'en me by the shoulders broad
An' pushed me oot o' doors.
Thinks I, my auld lad, I'll come back
When sleepin' gars ye snore.

Fal to too a riddle doo.
Fal to toodle I doe.


Lyrics submitted by karb0n13

Monymusk Lads song meanings
Add your thoughts

No Comments

sort form View by:
  • No Comments

Add your thoughts

Log in now to tell us what you think this song means.

Don’t have an account? Create an account with SongMeanings to post comments, submit lyrics, and more. It’s super easy, we promise!

Back to top
explain