Donald's gane up the hill hard and hungry,
Donald comes down the hill wild and angry;
Donald will clear the gouk's nest cleverly,
Here's to the king and Donald Macgillavry.
Come like a weighbauk, Donald Macgillavry,
Come like a weighbauk, Donald Macgillavry,
Balance them fair, and balance them cleverly:
Off wi'the counterfeit, Donald Macgillavry.

Donald's run o'er the hill but his tether, man,
As he were wud, or stang'd wi' an ether, man;
When he comes back, there's some will look merrily:
Here's to King James and Donald Macgillavry.
Come like a weaver, Donald Macgillavry,
Come like a weaver, Donald Macgillavry,
Pack on your back, and elwand sae cleverly;
Gie them full measure, my Donald Macgillavry.

Donald has foughten wi' rief and roguery;
Donald has dinner'd wi banes and beggary,
Better it were for Whigs and Whiggery
Meeting the devil than Donald Macgillavry.
Come like a tailor, Donald Macgillavry,
Come like a tailor, Donald Macgillavry,
Push about, in and out, thimble them cleverly,
Here's to King James and Donald Macgillavry.

Donald's the callan that brooks nae tangleness;
Whigging and prigging and a'newfangleness,
They maun be gane: he winna be baukit, man:
He maun hae justice, or faith he'll tak it, man.
Come like a cobler, Donald Macgillavry,
Come like a cobler, Donald Macgillavry;
Beat them, and bore them, and lingel them cleverly,
Up wi' King James and Donald Macgillavry.

Donald was mumpit wi mirds and mockery;
Donald was blinded wi' blads o' property;
Arles ran high, but makings were naething, man,
Lord, how Donald is flyting and fretting, man.
Come like the devil, Donald Macgillavry,
Come like the devil, Donald Macgillavry;
Skelp them and scaud them that proved sae unbritherly,
Up wi King James and Donald Macgillavry!


Lyrics submitted by eyrian

Donald MacGillavry song meanings
Add your thoughts

1 Comment

sort form View by:
  • 0
    General CommentFor those who don't know this is a song from the Scottish Jacobite rebellion of 1715.
    Donald MacGillavry of Drumglass is one of the chiefs mentioned in the Chevalier's Muster Roll of 1715, and one of the bards of this clan may have written this song.

    and to clear up some of the somewhat archaic 'Scots' language used in the song:
    gouk's nest = cuckoo's nest (a gouk's also a fool)
    weighbauk = scales
    but his tether = without/off his leash
    wud, or stang'd wit' an ether, man = mad, or stung with an adder
    elwand = rod that measures an ell, a length of measure no longer used
    callan that brooks nae tangleness = a fine fellow who doesn't hold with schemes
    winna be baukit = won't be balked, held back
    lingel = a shoemaker's thread
    mumpit wi' mirds = lulled with flattery
    Arles = Thrashing
    Skelp them and scauld them = chastise (specifically a slap with the flat of the hand) and scold them
    karb0n13on September 16, 2008   Link

Add your thoughts

Log in now to tell us what you think this song means.

Don’t have an account? Create an account with SongMeanings to post comments, submit lyrics, and more. It’s super easy, we promise!

Back to top
explain